بۆ دوورگه‌..

ئه‌م کاته‌و باش دوورگه‌ گیان

چه‌نده‌م پێ خۆش بوو نامه‌ جوانه‌که‌ت.. چه‌نده‌ خۆشحاڵ بووم که‌ هاوڕێیه‌کم دۆزیوه‌ته‌وه‌.. هه‌ر زۆۆۆۆۆۆۆۆر زۆر حه‌زم کرد.. خۆزگه‌م به پشتی باوکت و به پشتی دایکت که‌ به‌رده‌وام وای به کۆڵیانه‌وه‌ و لێیان دوور ناکه‌ویته‌وه‌!! ئه‌ڵبه‌ت منیش وه‌ک تۆ رۆژگارێک ژیانم وه‌ها بوو.. به‌ڵام ئێستا من دوای شیر خواردنم گۆشتیش ده‌خۆم و گه‌وره‌ بووم .. هه‌ر بۆیه‌ جار و بار دایک و بابم به‌ جێم دێڵن و ده‌ڕۆن به لای کاریانه‌وه‌ ئه‌ی چۆن!!!

باسی جگه‌ره‌ی بابت کردوه‌ ..ده‌بێ بڵێم: که‌ منیش حه‌زم له‌ جگه‌ره‌ نیه‌ ئاخر زۆر خراپه‌ ته‌نانه‌ت به عمو زانیاریشم کوتوه‌.

جا نه‌ختێک زوو وه‌ره‌ بۆ لامان با چوار فشه‌ بکه‌ین !! ئاره‌زوو و ئاگرین  و دایه‌ش بێنه‌...

جا من نه‌مزانی تۆ وای له‌ پشتی ئاره‌زوودا بۆیه‌ جار و بار ده‌چمه‌ سه‌ر کۆڵی ئاره‌زوو ئه‌مه‌ تۆی جیقه‌یه‌کت لێوه‌ دێت.. داوای لێبووردنت لێ ده‌که‌م.. راستی ئه‌و قاپه‌ بچووکه‌ی چێشت خواردنه‌ت که‌وچکه‌که‌ی لای ئاره‌زوو وه‌ یان لای ناسره‌؟؟؟

 

هه‌م دیسان نامه‌ت بۆ ده‌نێرم ئیتر ناهێڵم بێ تاقه‌ت بیت.. زۆرم خۆش ده‌وێ یه‌که‌م هاوڕی چۆڵه‌وانیه‌که‌م..

 ماچ ماچ          

وێنه‌

 

 

 

دواتر..

له باری ده‌روونیه‌وه‌ گرینۆک نه‌بووم، گریانی من له به‌ر برسیه‌تی یان خۆ پیس کردن بووه‌.. خۆ وه‌ک باوکم نه‌بووم که‌ گیسکێکیان بۆ کردوه‌ به قوربانی له‌ کۆڵی باپیرم بێته‌وه‌..ته‌نیا کێشه‌یه‌ک که دایک و باوکمی زۆر نیگه‌ران کردبوو، دیر هاتنه‌ قسه‌م بوو.. له‌ به‌ر ئه‌وه‌ی زوو هه‌ستامه‌وه‌ پی له‌ گاگۆڵکێ، ئه‌وه‌ بوو به‌ هۆی ئه‌وه‌ که‌ تۆزیک درنگتر له‌ منداڵانی هاوته‌مه‌نم زمانم بپژێ.. هه‌ر چه‌نده‌ باوکم بۆ لای "گفتاردرمانی" بردووم ، یان هه‌ر خزم و ئاشنایه‌کمان ده‌وایه‌کی بۆ داده‌نام..ته‌نانه‌ت هێلکه‌ی کۆتریش!!!

به‌ڵام خۆ ئێستا که‌ هێشتا چوار ساڵانم خه‌ڵکی نۆره‌ ده‌گرن بۆ ئه‌وه‌ی قسه‌یه‌کیان به‌ر که‌وێ.. 

 

هه‌ر له‌و ته‌مه‌نه‌ که‌مه‌وه‌ تا ئێستا؛ به‌رده‌وام حه‌زم له‌ مه‌له‌ و حه‌مام و ئاو کردوه‌، قه‌د وه‌بیرم نایه‌ له‌ دوکتور ترسابم.. ته‌نیا شتێک که‌ قه‌ڵسم ده‌کا و به لامه‌وه‌ ناخۆشه‌ درۆیه‌ که‌ له‌گه‌لم بیکه‌ن یان وه‌عدێک بێت و به‌جێی نه‌هێنن، ئیتر خۆ له‌ بیر چوونه‌وه‌یم نیه‌.... .

 

 

ئه‌وه‌شم له‌ بیر نه‌چێ که‌ زۆربه‌ی که‌سانی ده‌ور و به‌رمان به‌تائیبه‌ت دایک و باوکم هه‌ر به ناوی خۆیان بانگیان ده‌که‌م. یه‌عنی هه‌ر ده‌ڵێم "که‌ژێ گیان و عه‌دێ گیان".

بوون

من له رۆژی 27ی نه‌ورۆزی ساڵی 2004ی زایینی له‌ شاری مه‌ریوان چاوم به ژیان پشکووت.. یه‌که‌مین و دووهه‌مین رۆژی ژیانم هیچم نه‌خواردوه‌ و ئه‌م شیر نه‌خواردنه‌ی من، دایکمی تووشی دڵه‌راوکێ کردبوو که‌ له‌ به‌ر چێ هیچ ناخۆم.. ده‌ی جا خۆ به زۆر نیه‌ برسیم نه‌بوو.. له‌ رۆژی سێهه‌مه‌وه‌ ده‌ستم کرد به شیر خواردن.. دواتر بێئه‌وه‌ی پرس و رایه‌ک به خۆم بکه‌ن له‌ به‌ینی ئه‌و ناوانه‌ی که بۆیان هه‌لبژاردبووم؛ناویان لێ نام "ژیلوان". ژیلوان له‌ ژیله‌مۆ وه‌ هاتوه‌، ناوی چیایه‌که‌ له‌ بناری چوارتای کوردستانی باشوور، ناوێکی زه‌رده‌شتیه‌ و به‌ مانای جم و جووڵ و ئاگرپارێزه‌.. جیا له‌ مانه‌ش دۆستێکی باوکم که ناوی "سالار"ه‌ و رۆژی له‌ دایک بوونی من و ئه‌و (نه‌ک ساڵی له‌ دایک بوونمان)دوو رۆژی به‌ینه. ئه‌ویش نازناوی "ژیلوان"ه‌ و دایک و بابم به خۆشه‌ویستی ئه‌ویشه‌وه‌ ناویان لێ نام " ژیلوان".

 

دواتر دوای چه‌ند رۆژێک خه‌ته‌نه‌ کرام.. هه‌ر چه‌ند زۆر ئێش و برینی بوو،  به‌ڵام زووش چاک بوومه‌وه‌.. دوای چاک بوونه‌وه‌م نۆره‌ی کوتان(واکسن) یه‌ک له‌ سه‌ر یه‌ک بوو..